Ligwiliskirani Nchito Nyengo Zose
1. Kasi thirakiti la Kumanya Unenesko ndakovwira pakucita vici?
1 Thirakiti la Kasi Mungatemwa Kumanya Unenesko? lili kulembeka kuti litovwire kwambiska masambiro gha Baibolo. Kweniso ndakovwira comene pakuseŵa mbuto za unenesko. (Muph. 11:6) Mu nkhani iyi muli masacizgo agho ghangatovwira kuti tiligwiliskire nchito makora.
2. Kasi tingambiska wuli cidumbirano na thirakiti ili?
2 Kwambiska Cidumbirano: Mungamugaŵira mweneko nyumba na kumulongora mafumbo ghankhondi na limoza agho ghali pa peji lakwamba la thirakiti ili, na kumufumba kuti: “Kasi pa mafumbo agha ni fumbo ndi ilo muli kujifumbapo?” Para wazgora, wonerani lumoza mu thirakiti ili zgoro la mu Baibolo la fumbo ilo wasankha ndipo ŵazgani lemba limoza. Ŵazgani panji kulongosora mwakudumura ivyo vili pa peji laumaliro, ndipo mugaŵirani buku la Baibolo Likusambizgaci? Nanga wangakana kupoka buku kweni thirakiti wapoka kale, ndipo lingawovwira kuti unenesko ujinthe mu mtima wake.—Mat. 13:23.
3. Para mweneko nyumba ngwakutangwanika, kasi tingacita wuli?
3 Para Mweneko Nyumba Ngwakutangwanika: Mungayowoya kuti: “Pakuti muli ŵakutangwanika, nimulekeraninge waka thirakiti ili. Lili na mafumbo ghankhondi na limoza agho taŵanandi tikujifumba ndipo lili na zgoro lakufuma mu Baibolo la fumbo lililose. Apo namuweraso, nkhukhumba kuzakamanya ivyo mwapulika mu thirakiti ili.”
4. Kasi tingagaŵira wuli thirakiti ili mu msewu?
4 Para Tikupharazga mu Msewu: Mungayowoya kuti: “Monire. Kasi muli kujifumbapo mafumbo agha? [Mulekani wazgore.] Thirakiti ili lili na mazgoro ghakukhorweska ghakufuma mu Baibolo.” Para uyo mukumupharazgira wali paluŵiro yayi, mungadumbiskana nayo zgoro limoza lakufuma mu thirakiti na kumugaŵira buku la Baibolo Likusambizgaci?
5. Kasi tikwenera kucita wuli na thirakiti ili para pa nyumba tindasangepo ŵanthu?
5 Para Panyumba Palije Ŵanthu: Mu vigaŵa vinyake, kanandi ŵapharazgi ŵakuleka mabuku pa malo ghakuwonekera pa nyumba iyo ŵandasangepo munthu. Para mpingo winu ndimo ukucitira, mwalekeraci kuti nyengo zose mulekenge thirakiti la Kumanya Unenesko pa nyumba iyo mundasangepo munthu? Pa ulendo wa kuwelerako mungayowoya kuti: “Ulendo unyake apo tikiza pano, imwe mukaŵapo yayi, ntheura tikaleka thirakiti ili pa mulyango winu. Kasi pa mafumbo agha ni ndi ilo mungatemwa kumanya zgoro lake?”
6. Cifukwa wuli thirakiti la Kumanya Unenesko ndiwemi comene kupharazgira?
6 Thirakiti la Kumanya Unenesko likulongosora unenesko mu nthowa yipusu ndiposo mwambura kuzingilira. Likucontha ŵanthu ŵa visopa vyose ndiposo mafuko ghose. Ndipusu kugaŵira. Nanga ŵangaŵa ŵana ndiposo ŵapharazgi ŵaphya ŵangagaŵira. Kasi mukuligwiliskira nchito nyengo zose?