Ukaboni Wankhongono Uzamupelekeka
1. Padera pa nkhani, nchivici cinyake ico cingakhorweska awo ŵizenge ku Cikumbusko? Longosorani.
1 Pauli? Pa zuŵa la Cikumbusko. Lekani tayezgayezga kucemerako ŵanthu kuti ŵazakaŵepo. Awo ŵizenge ŵazamukhorwa na ivyo ŵazamupulika pera yayi. Mwanakazi munyake wakayowoya ivyo wakawona pa Cikumbusko. Wakawona kuti waliyose wakaŵa wakufwatuka, ndipo malo agho ŵakacitirapo Cikumbusko ghakaŵa ghakutowa. Ntheura tose tikukolerana pakupeleka ukaboni pa nyengo yapadera iyi.—Efe. 4:16.
2. Kasi waliyose wangacita wuli kuti wapeleke ukaboni ku ŵalendo?
2 Tawuzgani Ŵalendo Mwakukondwa: Usange muzamuŵatawuzga mwacimwemwe ŵalendo, uzamuŵa ukaboni kwa iwo. (Yoh. 13:35) Nangauli mungatawuzga wose yayi, mungatawuzga awo ŵali pafupi namwe na kuŵaphalira zina linu. (Heb. 13:1, 2) Muzakanweke comene na ŵanthu ŵacilendo awo ŵakumanyapo waliyose yayi. Nawoso ŵakwenera kuti ŵakapokera nchemo kuti ŵize ku Cikumbusko. Panji mungaŵafumba kuti: “Kasi muli kwizako kale kuno?” Ŵacemani kuti ŵakhale pafupi na imwe na kuzgora mafumbo agho ŵangaŵa nagho. Usange mpingo winu ufumenge luŵiro mwakuti ulekere malo mpingo unyake, mungafumba kuti: “Mukutipo wuli pa ivyo mwawona pa ungano uwu? Kasi ningamusangani wuli kuti tizakacezgepo?”
3. Kasi tingapokelera wuli ŵakulopwa?
3 Pokelerani Ŵakulopwa: Nchakukayikiska yayi kuti ŵakulopwa na awo ŵakutemwa kwiza ku Cikumbusko pera, nawo ŵazamuŵapo. Ŵapokelerani na kuŵaphalira kuti mwakondwa comene kuŵawona. (Rom. 15:7) Para Cikumbusko cajumpha, ŵalara ŵangaluta kukaŵakhuŵilizga kuti ŵalutilire kuwungana. Tikulomba kuti mphanyi ŵanthu awo ŵizenge ku Cikumbusko ŵazakamupa ucindami Ciuta, cifukwa ca ivyo ŵazamupulika pera cara, kweniso ‘cifukwa ca milimo yithu yiwemi yeneiyo iwo mbakaboni ŵakuwona na maso.’—1 Pet. 2:12.