Masacizgo

Umo Mungambiskira Masambiro gha Baibolo pa Cisulo Cakwamba mu Julayi

“Ŵanthu ŵanandi ŵakutemwa kuwerezga mazgu gha mu Lurombo lwa Fumu agha: ‘Ufumu winu wize. Khumbo linu licitike, umo kuliri kucanya, ntheura pera pa caru capasi.’ Kasi mukughanaghana kuti Ufumu uwu ni vici? [Mulekani wazgore.] Vesi la mu Baibolo ili likutovwira kumanya zgoro.” Ŵazgani Daniel 2:44. Pamasinda gaŵirani Gongwe la Mulinda la Julayi 1, ndipo muŵazge na kudumbiskana ndime izo zili pa kamutu kacoko pa peji 16. Pelekani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Julayi 1

“Pakuti umoyo ngufupi kweniso ngwakuzura na masuzgo, ŵanandi ŵakukhumba kumanya usange ŵangaŵa ŵakukhorwa nadi na umoyo wawo. Kasi muli kughanaghanapo fundo iyi? [Mulekani wazgore.] Baibolo likuti vinthu visinthenge munthazi. [Ŵazgani Uvumbuzi 21:4.] Magazini iyi yikulongosora ico Ciuta wakukhumba kucita pa caru capasi, kweniso yikutiphalira ivyo tingacita kuti tikhorwenge na umoyo withu nanga ni sono.”

Galamukani! Julayi

Zunurani nkhani yiliyose yacitima iyo mwapulika pa wayilesi panji mu nyuzipepara. Ndipo yowoyani kuti: “Mukughanaghana kuti nchifukwa wuli Ciuta wakulekelera vinthu ivi kuti vicitikenge? [Mulekani wazgore.] Baibolo likuti Ciuta wakuŵalengera lusungu awo ŵakusuzgika. [Ŵazgani Exodus 3:7.] Kweniso Baibolo likutiphalira vifukwa ivyo Ciuta wazomerezgera masuzgo kuti ghalutilire, na umo waghamazgirenge. Ndivyo yikulongosora magazini iyi.”