Masacizgo

Umo Mungambiskira Masambiro gha Baibolo pa Cisulo Cakwamba mu Novembala

“Kasi mukughanaghana kuti ŵanthu awo ŵakuyezga kupulikira Ciuta mbakukondwa comeneko? [Mulekani wazgore.] Magazini iyi yikutiphalira fundo ziwemi comene.” Mupani Gongwe la Mulinda la Novembala 1, na kudumbiskana ndime pa mutu ucoko uwo mungasankha pa peji 16 panji 17, ndipo ŵazganipo lemba limoza. Mulekerani magazini na kupangana kuti mukawereso kuzakazgora fumbo linyake.

Gongwe la Mulinda Novembala 1

“Ŵanji ŵakughanaghana kuti fundo izo Baibolo likuyowoya pa nkhani ya kugonana ni zakale ndipo zikunonopeska waka vinthu. Kweni ŵanji ŵakukolerana navyo ivyo Baibolo likuyowoya. Kasi imwe mukutipo wuli? [Mulekani wazgore.] Wonani ivyo lemba ili likuyowoya pakukhwaskana na uyo wali kutipa fundo za mu Baibolo. [Ŵazgani 2 Timote 3:16.] Magazini iyi yikuzgora mafumbo 10 agho ŵanandi ŵakufumba pa nkhani ya kugonana. Kweniso yikulongosora umo fundo za mu Baibolo zingatovwilira.”

Galamukani! Novembala

“Para tikulaŵiska cilengiwa, kasi tikuŵa na maghanoghano wuli? Kuti kuli Mlengi panji kuti vyose vili kuŵako waka mwamabuci? [Mulekani wazgore.] Wonani ivyo mulembi munyake wa Baibolo wakayowoya pakuwona ivyo Ciuta wali kulenga. [Ŵazgani Ŵaroma 1:20.] Magazini iyi yikulongosora ivyo ŵasayansi ŵabowozga vya maselo gha munthu ndipo vikutovwira kusanga zgoro la fumbo ili.”