Masacizgo

Kwambiska Sambiro la Baibolo pa Cisulo Cakwamba mu Disembala

“Mu mwezi uno wa Disembala, mu maghanoghano gha ŵanthu ŵanandi mukwenda vya Yesu. Kasi imwe mukughanaghana kuti cinthu cakuzirwa comene ico Yesu wakacita nchivici? [Mulekani wazgore.] Wonani ivyo magazini iyi yikulongosora pa peji 16.” Mupani Gongwe la Mulinda la Disembala 1, na kudumbiskana fumbo limoza. Ŵazganipo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Disembala 1

“Ŵanthu ŵanandi ŵakukondwa pa nyengo ya Khisimasi. Kasi imwe mukughanaghana kuti pa vinthu ivi, nchivici comene ico ŵanthu ŵakwenera kucita pa Khisimasi? [Mulongorani ivyo vili pa peji 3, ndipo mulekani wazgore. Para wazgora, julani nkhani yakulondezgapo, na kuŵazga lemba ilo pajintha mutu wa nkhani iyi.] Magazini iyi yikulongosora ivyo tingacita kuti tikumbukirenge Yesu caka cose, m’malo mwakumukumbukira pa Khisimasi pera.”

Galamukani! Disembala

“Ŵanthu ŵanandi mbakwenjerwa kweniso mbakutangwanika comene. Kasi mukughanaghana kuti ŵanthu ŵanandi vikuŵasuzga comene kuzikira pakucita vinthu mazuŵa ghano? [Mulekani wazgore.] Ŵanji ŵakugomezga kuti tikukhala mu mazuŵa ghakusuzga agho ghakuyowoyeka pa lemba ili. [Ŵazgani 2 Timote 3:1.] Magazini iyi yikulongosora vifukwa ivyo kuleka kuzikira pakucita vinthu nkhuheni. Yikulongosoraso umo tingaŵira ŵakuzikira pakucita vinthu.”