Masacizgo

Kwambiska Sambiro la Baibolo pa Cisulo Cakwamba mu Disembala

“Ŵanthu ŵanandi ŵakulindilira kwiza kwa Yesu. Nchivici ico imwe mukukhumba kuti wazakacite para wizaso?” [Lekani wazgore.] Mulongorani peji laumaliro la Gongwe la Mulinda la Disembala 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Disembala 1

“Mazuŵa ghano ŵanthu mbakutangwanika comene mwakuti nchakusuzga kughanaghanira vya Ciuta. Kasi mukughanaghana kuti Ciuta ngwakukhumbikwa pa umoyo withu? [Lekani wazgore.] Pa upharazgi wake wa pa lupiri, Yesu wakayowoya kuti tingaŵa ŵakukondwa usange tikumanya kusoŵerwa kwithu kwauzimu. [Ŵazgani Mateyu 5:3.] Magazini iyi yikulongosora vifukwa vitatu ivyo tikukhumbikwira Ciuta.”

Galamukani! Disembala

“Taŵanthu tikuŵa na maghanoghano ghakupambana pa ivyo tapulika panji kuŵazga mu manyuzipepara, pa wayilesi, na pa TV. Kasi mukughanaghana kuti nkhani izi zikuŵa zaunenesko? [Mulekani wazgore.] Baibolo likuti tisandenge dankha pambere tindagomezge ivyo tapulika. [Ŵazgani Yobu 12:11.] Magazini iyi yili na fundo izo zingatovwira kuti tisandenge ivyo tikuŵazga panji kupulika.”