Masachizgo

Kwambiska Masambiro gha Baibolo pa Chisulo Chakwamba mu Disembala

“Tiza pano kuti tidumbiskane namwe nkhani yakukhumbikwa chomene. Ŵapapi ŵanandi ŵakukhumba kuti ŵana ŵawo ŵatemwenge Chiuta. Kasi mukughanaghana kuti ŵana ŵakwenera kusambira ŵekha kutemwa Chiuta panji ŵakwenera kusambizgika na ŵapapi ŵawo? [Mulekani wazgore.] Mulongorani peji laumaliro la Gongwe la Mulinda la Disembala 1. Dumbiskanani fumbo lakwamba na kuŵazgapo lemba. Mupani magazini na kupangana kuti mukawereso kuzakazgora fumbo lakulondezgapo.

Ivyo Tingayowoya Pakupeleka Magazini

Gongwe la Mulinda Disembala 1

“Tikudumbiskana na ŵanthu vya Chiuta. Tikumanya kuti ŵanthu ŵali na maghanoghano ghakupambana pa nkhani ya Chiuta. Kasi mukughanaghana kuti Chiuta ni nkhongono waka panji ni mubwezi uyo wakupwelelera munthu waliyose payekha? [Mulekani wazgore.] Lemba ili likutiphalira kuti Chiuta wangaŵa mubwezi withu wapamtima. [Ŵazgani Yakobe 4:8a.] Magazini iyi yikulongosora vinthu vitatu ivyo tingachita kuti tiŵe paubwezi na Yehova.”

Galamukani! Disembala

“Tikudumbiskana na ŵanyithu suzgo ilo ŵanthu ŵanandi ŵakukumana nalo. Lipoti la wupu wakuwona vya umoyo la World Health Organization likuti pa ŵanthu ŵanayi, munthu yumoza wakulwarapo nthenda ya kusuzgika maghanoghano pa umoyo wake. Kasi namwe mukuwona kuti suzgo ili ndikuru nadi? [Mulekani wazgore.] Baibolo likuti kunthazi kuzamuŵavya matenda na vyakuŵinya. [Ŵazgani Uvumbuzi 21:3, 4.] Magazini iyi yikulongosora vinthu vichoko waka ivyo waliyose wakwenera kumanya pa nkhani iyi.”