Masacizgo

Kwambiska Sambiro la Baibolo pa Cisulo Cakwamba mu Janyuwale

“Nkhukhumba kumanya maghanoghano ghinu. Kasi Ciuta zina lake ni njani? [Mulekani wazgore.] Wonani ivyo magazini iyi yikulongosora apa.” Mupani Gongwe la Mulinda la Janyuwale 1, na kumulongora nkhani iyo yili pa peji laumaliro. Dumbiskanani kamutu kacoko kakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Janyuwale 1

“Ŵanandi ŵakuyowoya za umaliro wa caru. Kasi tikwenera kopa umaliro wa caru? [Mulekani wazgore.] Lemba ili likulongora kuti ŵanji ŵazamupona. [Ŵazgani 1 Yohane 2:17.] Magazini iyi yili na mazgoro gha mu Baibolo gha mafumbo ghanayi agho ŵanthu ŵakutemwa kufumba pa nkhani ya umaliro wa caru.”

Galamukani! Janyuwale

“Tikudumbiskana na mbumba nkhani yakukhumbikwa comene. Kasi mukughanaghana kuti nchamahara kuti mbumba zilondezgenge mazgu gha Yesu agho ghali pa lemba ili? [Ŵazgani Milimo 20:35b, ndipo lindilirani zgoro.] Nchipusu yayi kusambizga ŵana kuti ŵaghanaghanirenge ŵanyawo mazuŵa ghano cifukwa ŵanandi mu caru ici ŵakujighanaghanira ŵekha. Nkhani iyi yikulongosora fundo zakuzirwa izo ŵapapi ŵangalondezga kuti ŵawovwire ŵana ŵawo kughanaghanira ŵanji.”