Masacizgo

Umo Mungambiskira Masambiro gha Baibolo pa Cisulo Cakwamba mu Janyuwale

“Ŵanthu ŵanyake ŵakuti Baibolo ni buku lakugomezgeka pa nkhani ya maucimi. Ŵanji ŵakususka kuti maucimi gha mu Baibolo ghapulikikwa viŵi yayi ndipo ghangalongosoreka mu nthowa zinandi. Imwe mukutipo wuli?” [Mulekani wazgore.] Mupani Gongwe la Mulinda la Janyuwale 1, na kudumbiskana ndime pa mutu ucoko pa peji 16. Ŵazganipo lemba limoza. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Janyuwale 1

“Tingasambirako vinandi ku ŵanalume na ŵanakazi ŵa mu nyengo yakale. Asi nthena? [Mulekani wazgore.] Vesi ili likuyowoya za munthu munyake wakumanyikwa, uyo Baibolo likumucema kuti ‘mubwezi wa Ciuta.’ [Ŵazgani Yakobe 2:23.] Magazini iyi yikulongosora cifukwa ico Ciuta wakacemera Abrahamu kuti mubwezi wake kweniso yikuyowoya ivyo tingasambirako kwa iyo.”

Galamukani! Janyuwale

“Vimbundi na kuwura kugomezgeka vyazara comene pa vyamalonda. Ŵanji ŵakughanaghana kuti kucita mwambura kugomezgeka pacoko nkhwakovwira kuti malonda ghakwendere makora. Kasi imwe mukuti wuli? [Mulekani wazgore.] Wonani fundo iyo yili pa Zintharika 20:17. [Ŵazgani.] Magazini iyi yikulongosora vifukwa ivyo tikwenera kuŵira ŵakugomezgeka.”