Masacizgo

Kwambiska Masambiro gha Baibolo pa Cisulo Cakwamba mu Janyuwale

“Ŵanthu ŵakupambana maghanoghano pa nkhani ya Ciuta. Ŵanyake ŵakuti Ciuta ni nkhongono waka. Ŵanji ŵakuti ni Dada wacitemwa uyo wakukhala kucanya. Kasi imwe mukuti wuli?” [Mulekani wazgore.] Mulongorani peji laumaliro la Gongwe la Mulinda la Janyuwale 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Janyuwale 1

“Tiza na nkhani iyo yikukhwaska waliyose. Nkhani iyi ni nyifwa ya mubali withu. Namwe munganizomerezga kuti nyifwa ya mubwezi panji mubali withu yikuŵinya comene. Asi nthe? [Mulekani wazgore.] Ŵanandi ŵakupembuzgika na vesi ili. [Ŵazgani Yesaya 25:8.] Magazini iyi yikulongosora kuti nyifwa yizamumara ndipo ŵabali ŵithu awo ŵali kufwa ŵazamuwuka.”

Galamukani! Janyuwale

“Namwe munganizomerezga kuti mazuŵa ghano masuzgo ghakukata yayi mu mbumba. Ni nthena yayi? [Mulekani wazgore.] Lemba ili likutiphalira ivyo tingacita kuti tikhozge mbumba zithu. [Ŵazgani Zintharika 24:3.] Ŵanthu ŵanandi ŵawona kuti mu Baibolo ndimo muli vinjeru ivyo vingawovwira mbumba zawo. Magazini iyi yikulongosora za Webusayiti iyo yili na nkhani za mu Baibolo izo zingawovwira mbumba.”