Masacizgo

Umo Mungambiskira Masambiro gha Baibolo pa Cisulo Cakwamba mu Epulero

“Ubapatizo nchinthu cacilendo yayi ku Ŵakhristu ŵanandi. Kasi mukughanaghana kuti ngwakuzirwa? [Mulekani wazgore.] Apa pali fundo izo tikwenera kughanaghanirapo.” Julani pa peji 16 na kudumbiskana fundo izo zili pa kamutu kakwamba. Ŵazganipo lemba limoza panji ghaŵiri. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Epulero 1

“Ŵanthu ŵakumumanyira panandi Yesu. Ŵanyake ŵakuti wakaŵa Mesiya. Ŵanji ŵakuti wakaŵa waka munthu muwemi. Kweni ŵanyake ŵakugomezga yayi kuti wakaŵako. Imwe mukuti wuli? [Mulekani wazgore.] Baibolo likuyowoya kuti nchakuzirwa kumumanya makora Yesu. [Ŵazgani Yohane 17:3.] Magazini iyi yikulongosora ivyo Baibolo likuyowoya pa mafumbo agho ŵanthu ŵakufumba pa nkhani iyi.”

Galamukani! Epulero

“Muhanya uno tikukhumba kovwirana na mbumba. Namwe munganizomerezga kuti mazuŵa ghano masuzgo ghakukata yayi mu mbumba. Ni nthena yayi? [Mulekani wazgore.] Wonani uko ŵanandi ŵakusanga ulongozgi wakovwilira mbumba zawo. [Ŵazgani Salmo 119:105.] Magazini iyi yikulongosora Umo fundo za mu Baibolo zikovwilira mbumba izo muli ŵana ŵamusangapo.”