Masacizgo

Kwambiska Masambiro gha Baibolo pa Cisulo Cakwamba mu Epulero

“Tikuciska ŵanyithu kuti ŵaŵazgenge Baibolo. Kweni ŵanthu ŵanandi ŵakuti Baibolo ndinonono kulipulikiska. Kasi mbunenesko? [Mulekani wazgore.] Wonani ivyo magazini iyi yikuyowoya apa.” Mulongorani peji laumaliro la Gongwe la Mulinda la Epulero 1, ndipo ŵazgirani lumoza fumbo lakwamba na lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Epulero 1

“Munthu waliyose masuzgo ghakumusanga. Cifukwa ca ici, ŵanji ŵakuwona kuti umoyo ulije candulo. Kasi mukughanaghana kuti nchivici comene ico cikupangiska kuti ŵanthu ŵaleke kukondwa mazuŵa ghano? [Mulekani Wazgore.] Baibolo likulayizga kuti sonosono apa Ciuta wamazgenge masuzgo ghose agho tikukumana nayo. [Ŵazgani Uvumbuzi 21:4.] Magazini iyi yikulongosora ivyo Ciuta watinozgera munthazi, kweniso umo tingaŵira na umoyo wacandulo nanga ni sono.”

Galamukani! Epulero

“Nkhaza ni suzgo la pa caru cose. Ŵanyake ŵakuti ivyo vikupangiska kuti ŵanthu ŵaŵe ŵankhaza ni mitheto, mbumba iyo munthu wakufuma, na vyakusanguluska vyankhaza. Kasi mukughanaghana kuti nchivici cikupangiska kuti ŵanthu ŵacitiranenge nkhaza mu mbumba? [Mulekani Wazgore.] Baibolo likulongosora ubwezi uwemi uwo ukwenera kuŵa pakati pa mfumu na muwoli. [Ŵazgani Ŵaefeso 5:33.] Magazini iyi yikulongosora cifukwa ico nthengwa zinandi izo zikatenge zimalenge, sono ni zakukhora cifukwa cakulondezga ivyo taŵazga apa na ulongozgi unyake wa mu Baibolo.”