“Umo Mungacitira Pakugaŵira Magazini mu . . . ”

Mwezi uliwose pa Ungano wa Uteŵeti, tikuŵa na nkhani ya umo tingacitira pakugaŵira magazini. Cilato nkhuweleramo waka ivyo vili mu magazini yayi, kweni kudumbiskana umo tingacitira pakugaŵira. Uyo wapika nkhani iyi wakwenera kuyowoya mwakudumura nkhani zakukondweska izo zili mu magazini. Kufuma apo, wakupempha ŵategherezgi kuti ŵayowoyepo umo ŵangakacitira pakugaŵira magazini yiliyose. M’malo mwa kupempha ŵategherezgi kuti ŵayowoye vyose ivyo ŵamucita pakugaŵira, wakuŵafumba waka kuti ŵayowoye fumbo ilo ŵanthu ŵangakanweka nalo na lemba ilo ŵangakaŵazga. Paumaliro pakuŵa ciyezgelero ca umo ŵangakacitira pakugaŵira magazini yiliyose. Tose tikwenera kuŵazgirathu magazini kuti tikayowoyepo masacizgo ghithu. Usange tose tinganozgekera makora, nkhani iyi yitovwirenge kuti tisazgireko maluso ghithu.—Zinth. 27:17.