Masacizgo
Kwambiska Masambiro gha Baibolo pa Cisulo Cakwamba mu Ogasiti
“Waliyose wakulomba nyengo zinyake. Nanga ni ŵanthu awo ŵakuti Ciuta kulije, ŵakulomba para ŵakumana na masuzgo. Kasi mukughanaghana kuti Ciuta wakupulika malurombo ghose?” [Mulekani wazgore.] Mulongorani peji laumaliro la Gongwe la Mulinda la Ogasiti 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.
Manyani kuti: Mukwenera kuyezgelera sacizgo ili pa ungano wakunozgekera uteŵeti pa Ogasiti 3.
Gongwe la Mulinda Ogasiti 1
“Ŵanthu ŵanandi ŵakwenjerwa cifukwa ca kuthandazgika kwa mabuku, magazini na mafilimu gha vithuzithuzi vyamuziro. Kweni ŵanyake ŵakuwona kuti kuwonelera vithuzithuzi vyamuziro nkhuwemi waka. Imwe mukutipo wuli? [Mulekani wazgore.] Yesu wakati khuni liwemi likumanyikwa na vipambi vyake. [Ŵazgani Mateyu 7:17.] Magazini iyi yikulongosora vipambi vyakuwonelera vithuzithuzi vyamuziro. Kweniso yili na fundo izo zingatovwira kuti tileke kuwonelera vinthu ivi.’’
Galamukani! Ogasiti
“Waliyose wakukhumba kuŵa na umoyo wamuyirayira. Kasi mukughanaghana kuti ivyo ŵasayansi ŵakucita vingawovwira kuti tizakakhale kwamuyirayira zuŵa linyake? [Mulekani wazgore.] Wonani layizgo lakukondweska ili. [Ŵazgani 1 Ŵakorinte 15:26.] Kasi Ciuta wazamufiska wuli layizgo ili? Ndipo cifukwa wuli sono tikucekura na kufwa? Magazini iyi yili na mazgoro ghakufuma mu Baibolo gha mafumbo agha.”