Masacizgo

Umo Mungambiskira Masambiro gha Baibolo pa Cisulo Cakwamba mu Ogasiti

“Ŵanthu ŵakuluta ku visopa vyakupambanapambana ndipo ŵakusopa Ciuta mu nthowa zakupambana. Kasi mukughanaghana kuti Ciuta wakuviwona wuli ivi? [Mulekani wazgore.] Wonani ivyo Yesu wakasambizga pa nkhani iyi.” Mugaŵirani magazini gha Gongwe la Mulinda la Ogasiti 1, na kudumbiskana ndime izo zili pa kamutu kakwamba pa peji 16 ndipo ŵazganipo lemba limoza. Pelekani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Ogasiti 1

“Kasi nchiwemi kusambizga ŵana vya Ciuta apo ŵacali ŵacoko, panji tikwenera kuŵaleka waka kuti ŵazakajisankhire ŵekha ivyo ŵangagomezga para ŵakura? [Mulekani wazgore.] Baibolo likuyowoya vinyake ivyo ŵapapi ŵangacita pakusambizga ŵana. [Ŵazgani Ŵaefeso 6:4.] Mu magazini iyi muli fundo izo ŵapapi ŵangalondezga kuti ŵasambizge makora ŵana ŵawo vya Ciuta.”

Galamukani! Ogasiti

“Nkhukhumba kupulika maghanoghano ghinu pa vesi ili. [Ŵazgani 1 Samuel 16:23.] Mwakuyana na ivyo likuyowoya vesi ili, sumu zili na nkhongono. Kasi mukughanaghana kuti sumu zingakhuŵilizga munthu kucita vinthu viheni? [Mulekani wazgore.] Magazini iyi yikulongosora umo tingacitira mwamahara pa nkhani ya sumu kweniso umo tingawovwilira ŵana ŵithu kuti nawo ŵacite mwakuyana waka.”