Masachizgo

Kwambiska Masambiro gha Baibolo pa Chisulo Chakwamba mu Seputembala

“Ŵanthu ŵanandi ŵakugomezga ŵangelo. Kasi namwe mukuŵagomezga? [Mulekani wazgore.] Pakuti ŵangelo ni vilengiwa vyauzimu, mbankhongono chomene. Kweni kasi mukughanaghana kuti ŵangatovwira? Baibolo likutiphalira umo ŵangelo ŵakovwilira ŵanthu mazuŵa ghano.” Mulongorani nkhani iyo yili pa peji laumaliro la Gongwe la Mulinda la Seputembala 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Ivyo Tingayowoya Pakugaŵira Magazini

Gongwe la Mulinda Seputembala 1

“Kasi mukughanaghana kuti ŵanthu ŵananga chomene charu mwakuti chinganozgekaso yayi? [Mulekani wazgore.] Nangauli ŵanthu ŵanganozga yayi vinthu ivyo ŵananga, kweni Baibolo likutiphalira kuti Chiuta wanganozga, nakuti ndivyo wakukhumba kuchita. Ndivyo lemba ili la Salmo 65:9 likuyowoya. [Ŵazgani.] Magazini iyi yikulongosora ivyo Chiuta wazamuchita pa charu chapasi. Yikulongosoraso ivyo ise tingachita kuti tizakasange vitumbiko ivi. Kasi ningamulekerani magazini iyi?”

Galamukani! Seputembala

“Tikudumbiskana na ŵanyithu suzgo ilo likukhwaska ŵanthu ŵanandi. Ŵanthu ŵanyake bwana wawo wakuŵapa ntchito yinandi mwakuti ŵakusoŵa chakuchita. Para munthu wakugwira ntchito mwakujumphizga wakuvuka chomene, ivyo vingapangiska kuti walware. Kasi mukughanaghana kuti munthu wangachita wuli kuti waleke kutangwanika chomene na ntchito? [Mulekani wazgore.] Vesi ili lingatovwira. [Ŵazgani Mupharazgi 4:6.] Magazini iyi yikulongosora vinthu vinayi ivyo vingatovwira kuti tisinthe ivyo tikuchita na umo tingachitira para tavuka chomene na ntchito.”