Ivyo Tikugomezga pa Nkhani ya 1914

Baibolo likutichiska kuti tiŵenge ‘ŵakunozgeka nyengo zose kuvikilira’ vigomezgo vithu, kweni ‘tichitenge ntheura pamoza na kuzika ndiposo ntchindi zikuru.’ (1 Pet. 3:15) Nyengo zinyake chingaŵa chakusuzga kulongosora fundo zinonono za mu Baibolo. Mwachiyelezgero, kuti timulongosolere munthu kuti Ufumu wa Chiuta ukamba kulamulira mu 1914. Lekani tili na nkhani ya vigaŵa viŵiri. Nkhani iyi yili na mutu wakuti “Kuchezga na Munthu—Kasi Ufumu wa Chiuta Ukamba Pawuli Kulamulira?” Nkhani iyi yili mu Gongwe la Mulinda lakugaŵira la Okutobala na Novembala, 2014. Apo mukuŵazga nkhani iyi, ghanaghaniranipo mafumbo agho ghali pasi apa. Kasi a Manda ŵakachita wuli?

Kasi a Manda. . . .

• ŵakayowoya vichi kuti ŵasange fundo iyo ŵangakolerana?—Mil. 17:22.

• ŵakalongora wuli kujiyuyura pakulongosora ivyo ŵakugomezga?—Mil. 14:15.

Chifukwa wuli ŵakachitanga makora . . .

• kuweleramo fundo iyo ŵadumbiskana pambere ŵandalute pa fundo yinyake?

• Kufumba kuti ŵawone usange wapulikiska?

• kuleka kulongosora vinthu vinandi?—Yoh. 16:12.

Tikuwonga Yehova “Musambizgi” withu Mukuru, chifukwa cha kutisambizga umo tingalongosolera fundo zinonono kwa awo ŵakukhumba kumanya unenesko.—Yes. 30:20.