“Muŵenge Maso”

25:1-12

Nangauli Yesu wakayowoya ntharika ya ŵamwali 10 kuti wawovwire Ŵakhristu ŵakuphakazgika, ndipouli ntharika iyi njakuzirwa kwa Ŵakhristu wose. (w15 3/15 12-16) Baibolo likuti: “Ntheura, muŵenge maso, chifukwa mukumanya chara zuŵa nesi ora.” (Mt 25:13) Kasi mungalongosora ng’anamuro la ntharika iyi?

• Mwenenthengwa (vesi 1)—Yesu

• Ŵamwali ŵakuchenjera (vesi 2)—Ŵakhristu ŵakuphakazgika awo ŵakuteŵetera Yehova mwakugomezgeka ndipo ‘ŵakuŵala nga ni miliko mu charu’ (Fil 2:15)

• Ntchemerezgo yakuti: “Mweneko wa nthengwa wafika!” (vesi 6)—Ukaboni wakuŵapo kwa Yesu

• Ŵamwali ŵakupusa (vesi 8)—Ŵakhristu ŵakuphakazgika awo ŵakaluta kukakumana na Mwenenthengwa kweni ŵakatondeka kuŵa maso ndipo ŵakaŵa ŵambura kugomezgeka

• Ŵamwali ŵakuchenjera ŵakakana kugaŵira ŵanyawo mafuta ghawo (vesi 9)—Pamasinda pakudindika kaumaliro, Ŵakhristu ŵakuphakazgika ŵazamovwiraso yayi waliyose uyo wazamuŵa wambura kugomezgeka

• “Mwenenthengwa wakafika” (vesi 10)—Yesu wakwiza kuzakeruzga kuumaliro wa suzgo yikuru

• Ŵamwali awo ŵakaŵa ŵakunozgeka ŵakanjira nayo mu chiphikiro cha nthengwa, ndipo mulyango ukajalika (vesi 10)—Yesu wazamuwunganyira kuchanya Ŵakhristu ŵakuphakazgika awo mbakugomezgeka, kweni ŵambura kugomezgeka ŵazamupokera yayi njombe yawo