Ivyo Vingatovwira Kuti Tiŵe Ŵaluso Mu Uteŵeti—Musambizgani Msambiri Winu Kunozgekera

CHIFUKWA WULI NTCHAKUZIRWA: Para msambiri wakunozgekera, vingamovwira kuti wapulikiskenge kweniso kuti wakumbukenge ivyo wakusambira. Usange msambiri wakupulikiska kweniso wakukumbuka ivyo wakusambira wakukura luŵiro mwauzimu. Nanga ni para wabatizika, wakwenera kunozgekera maungano gha mpingo kweniso uteŵeti kuti ‘walutilire kuŵa maso.’ (Mt 25:13) Ntheura ntchakuzirwa kuŵawovwira kumanya umo ŵanganozgekelera chifukwa vizamuŵawovwira umoyo wawo wose. Kufuma waka pakwamba, tikwenera kuŵawovwira kuti ŵanozgekerenge sambiro.

UMO TINGACHITIRA:

• 

  Muŵe chiyelezgero. (Ro 2:21) Para mukunozgekera ghanaghanirani umo mungamovwilira msambiri winu. (km 11/15 3) Mulongorani umo mwagwalira mu buku linu

• 

  Muchiskani kuti wanozgekerenge. Para mwamba waka kusambira nayo, muphalirani kuti kunozgekera ntchigaŵa chakusambira, ndipo mulongosolerani uwemi wake. Yowoyani masachizgo gha umo wangasangira nyengo yakunozgekera. Ŵapharazgi ŵanyake ŵakupa msambiri buku lawo ilo likuŵa lakugwala mizere kusi kwa mazgoro kuti msambiri wawone uwemi wakunozgekera. Muwongani para wanozgekera

• Mulongorani umo wanganozgekelera. Para ŵakwambiska sambiro, ŵapharazgi ŵanyake ŵakumuphalirathu msambiri umo wanganozgekelera ivyo ŵazamusambira