UMOYO WACHIKHRISTU

Gwiliskirani Ntchito Mwaluso Ivyo Tikusambizgira Ŵanthu Baibolo

Kupharazga mwakugwiliskira ntchito Baibolo na burosha

Mulimo wakuzgora ŵanthu kuŵa ŵasambiri ukuyana waka na kuzenga nyumba. Kuti tizenge nyumba yakukhora, tikwenera kuvimanya makora ivyo tizengelenge. Mwakuyana waka, tikwenera kusazgirako luso pakugwiliskira ntchito Mazgu gha Chiuta, agho ntchilwero chakuzirwa chomene. (2Ti 2:15) Tikweneraso kugwiliskira ntchito mwaluso mabuku na mavidiyo agho ghali mu gulu la Ivyo Tikusambizgira Ŵanthu Baibolo kuti tizgore ŵanthu kuŵa ŵasambiri.a

Kasi mungachita wuli kuti musazgireko luso la umo mungagwiliskira ntchito Ivyo Tikusambizgira Ŵanthu Baibolo? (1) Pemphani mulaŵiliri wa kagulu kinu kuti wamovwirani, (2) mupharazgirenge lumoza na mupharazgi waluso panji mupayiniya (3) yezgelerani umo mwamupharazgira. Para mungagwiliskira ntchito mwaluso mabuku na mavidiyo ghithu, muzamukondwa chomene na mulimo wakuzgora ŵanthu kuŵa ŵasambiri uwo ukuchitika sono.

MAGAZINI

MABUROSHA

Tegherezgani Kwa Chiuta na Kuŵa Ŵamoyo Kwamuyirayira

Mbanjani Ŵakuchita Khumbo la Yehova Mazuŵa Ghano?

MABUKU

Kasi Mungachita Wuli Kuti Mukhalilire mu Chitemwa cha Chiuta?

MATHIRAKITI

Kasi mukughanaghana kuti Baibolo ni buku wuli?

Kasi mukughanaghana kuti vinthu viŵenge wuli kunthazi?

Ntchivichi chingawovwira kuti mbumba yiŵe yakukondwa?

Kasi charu chili pa mazaza gha njani chomenechomene?

Ni nkhu uko tingasanga mazgoro gha mafumbo ghakuzirwa agho tikujifumba?

MAVIDIYO

Chifukwa Wuli Mukwenera Kusambira Baibolo?

Kasi Ŵakaboni ŵa Yehova Ŵakuchita Wuli Pakusambizga Ŵanthu Baibolo?

Kasi pa Nyumba ya Ufumu Pakuchitika Vichi?

TUMAPERA TWAKUCHEMERA ŴANTHU KU VYAKUCHITIKA VYAPADERA

MAKADI

a Mabuku ghachoko waka agho tikusambizgira ŵanthu Baibolo yayi, ghali kulembekera ŵanthu ŵanyake. Mungagwiliskira ntchito mabuku agha para mwawona kuti ntchakwenelera.