Ivyo Vingatovwira Kuti Tiŵe Ŵaluso mu Uteŵeti—Yimanyani Makora Webusayiti ya JW.ORG

CHIFUKWA WULI NTCHAKUZIRWA: Buku lililose ilo tikusambizgira ŵanthu likulongozgera ŵanthu pa jw.org. Chilato cha kadi ya JW.ORG na thirakiti lakuti, Ni Nkhu Uko Tingasanga Mazgoro gha Mafumbo Ghakuzirwa Agho Tikujifumba? ntchakuti tilongozgere ŵanthu ku webusayiti yithu. Tingagwiliskira ntchito webusayiti yithu ya jw.org kuti titumizgire munthu buku ilo tikusambizgira ŵanthu Baibolo. Tingamutumizgira munthu buku pa imelo panji tingamutumira linki. Ichi ntchakovwira chomene para tikupharazgira munthu uyo wakuyowoya chiyowoyero chinyake. Kweniso ŵanthu ŵangafumba mafumbo agho ghakuzgoreka mu mabuku agho tikusambizgira ŵanthu Baibolo yayi. Para tayimanya makora webusayiti yithu, tiyigwiliskirenge ntchito mwaluso mu uteŵeti.

UMO MUNGACHITIRA:

• 

  Gwiliskirani ntchito chigaŵa cha “IVYO BAIBOLO LIKUSAMBIZGA.” Tiyelezgere kuti mukupharazgira mupapi uyo wakukhumba kumanya vinandi umo wangalelera ŵana ŵake. Lutani pa IVYO BAIBOLO LIKUSAMBIZGA > NTHENGWA NA BANJA.

• Gwiliskirani ntchito chigaŵa cha “MABUKU.” Tiyelezgere kuti mukupharazga mwamwaŵi ku sukulu ndipo mukukhumba kugaŵira munyinu uyo mukusambira nayo kilasi limoza burosha la Mazgoro Gha Mafumbo 10 Agho Ŵachinyamata Ŵakufumba. Lutani pa MABUKU > MABUKU.

• Gwiliskirani ntchito chigaŵa cha “MANYANI VYA ISE.” Tiyelezgere kuti mukupharazgira munyinu wa ku ntchito uyo wakukhumba kumanya vinyake ivyo tikugomezga. Lutani pa MANYANI VYA ISE > IVYO ŴANTHU ŴAKUTEMWA KUFUMBA.

WONELERANI VIDIYO YA MUTU WAKUTI, YIMANYANI MAKORA WEBUSAYITI YA JW.ORG NDIPO PAMANYUMA WONANI APO MUNGALUTA KUTI MOVWIRE:

• uyo wakugomezga kuti Chiuta kulije

• uyo soka lamuwira

• mubali panji mudumbu wakulopwa

• uyo mukamupharazgira ndipo wakukhumba kumanya umo ntchito yithu yikwendera pa nkhani ya ndalama

• munthu wa mu charu chinyake uyo wakukhumba kukawungana mu chiyowoyero chake para wawera kwake