“Chawanangwa mu Woko Lako kwa Yehova”

Kasi tingachita wuli kuti ‘tizenge na chawanangwa mu woko lithu kwa Yehova’? (1Mi 29:5, 9, 14) Pasi apa pali nthowa zakupambanapambana izo tingasankha kuti tipelekenge vyawanangwa kuti viwovwirenge pa ntchito ya Ŵakaboni ŵa Yehova mu charu chithu kweniso pa charu chose.

VYAWANANGWA IVYO TINGAPELEKA KWIZIRA PA INTANETI PANJI IVYO TIKUŴIKA MU MABOKOSI:

• 

  NTCHITO YA PA CHARU CHOSE

  kuzenga na kunozga maofesi gha munthavi kweniso maofesi gha kung’anamulirako mabuku

  masukulu ghakusambizga Baibolo

  ŵateŵeti ŵapadera ŵanyengozose

  para kwachitika masoka

  kusindikizga mabuku, mavidiyo, na kuvinozga kuti viŵe pa intaneti

• 

  VYAKOVWIRA PA MPINGO

  vikovwira pa mpingo, nga nkhulipilira mabilu na kunozgera Nyumba ya Ufumu para yanangika

  mpingo ukuzomerezga ndalama izo zingatumizgika ku ofesi ya munthavi kuti zovwire pa:

  • kuzenga Nyumba za Ufumu na Malo Ghakuchitirapo Maungano pa charu chose

  • kovwira pa vinthu vinyake vyapadera pa charu chose

  • ntchito zinyake izo zikuchitika pa charu chose

MAUNGANO GHA CHIGAŴA NA MAUNGANO GHA DERA

Vyawanangwa ivyo mukupeleka pa ungano wa chigaŵa vikuluta ku ntchito iyo yikuchitika pa charu chose. Ndalama izo tikugwiliskira ntchito pa ungano wa chigaŵa, wapadera, na maungano ghakurughakuru zikufuma ku ndalama za ntchito ya pa charu chose.

Vyawanangwa ivyo dera likupeleka, tikuchitira lenti malo, kunozgera vinthu ivyo vyanangika pa malo agho tikuchitirapo maungano, kweniso zikugwira ntchito pa vinthu vinyake vya mu dera. Dera lingadumura ndalama izo mungapeleka kuti ziwovwire pa ntchito iyo yikuchitika pa charu chose ya Ŵakaboni ŵa Yehova.