Ivyo Vingatovwira Kuti Tiŵe Ŵaluso Mu Uteŵeti—Kulemba Makalata Ghawemi

CHIFUKWA WULI NTCHAKUZIRWA? Buku la 1 Ŵakorinte ndimoza mwa makalata 14 agho mpositole Paulosi wakalemba kuti wakhozge Ŵakhristu ŵanyake. Para munthu wakulemba kalata wakuŵa na mwaŵi wakusankha makora mazgu agho wangalemba, ndipo uyo wapokera wangayiŵazga mwakuwerezgawerezga. Makalata ni nthowa yiwemi iyo munthu wangapharazgira ŵachibali na ŵabwezi ŵake. Kweniso ni nthowa yiwemi yakupharazgira ŵanthu awo ntchakusuzga kuyowoyeskana nawo maso na maso. Mwachiyelezgero, munthu munyake wangaŵa wakunweka kweni panyumba wakusangika yayi. Ŵanthu ŵanyake ŵamuchigaŵa chithu ŵangaŵa kuti ŵakukhala ku malo agho kuli chivikiliro chikuru, munyumba za mipanda panji kutali. Kasi ni vinthu wuli ivyo tikwenera kukumbuka para tikulembera kalata munthu uyo tikumumanya yayi?

UMO TINGACHITIRA:

• 

  Lembani ivyo mphanyi mwanguyowoya mukumanenge nayo. Jilongosorani kukwambilira kwa kalata, na kulongosora makora chifukwa icho mwalembera kalata. Panji mungamufumba fumbo lakuti waghanaghanirepo na kumulongozgera pa webusayiti yithu. Muphalirani za umo tikusambilira na ŵanthu Baibolo. Kweniso mungamuphalira mitu iyo yili mu mabuku agho tikusambizgira ŵanthu Baibolo. Mu nevulupu mungaŵikamo kadi ya JW.ORG, kapepara kakuchemera ŵanthu ku maungano, panji thirakiti.

• Kalata yinu yikwenera kuŵa yakudumura. Yileke kuŵa yitali chomene chifukwa munthu uyo mwamulembera wangachita mphwayi.—Wonani kalata yakuyelezgera iyo yili pa peji 8

• Woneseskani kuti kalata yinu yikuwoneka makora, njambura kusuzga kuŵerenga, yalembeka mwaubwezi, mwaluso, kweniso mwalembamo fundo ziwemi. Para mutumenge pa positi ofesi, woneseskani kuti mwaŵikapo masitampu ghakukwana.