Kasi Mukugwiliskira Makora Ntchito Tumakadi Twakuyowoya vya JW.ORG?

Pakuti suzgo yikuru yikuneng’enera, tikwenera kulimbikira kupharazga. (Zi 24:11, 12, 20) Kuti tiwovwire ŵanthu, tingagwiliskira ntchito tumakadi kuti tiŵaphalire apo ŵangasanga Mazgu gha Chiuta kweniso webusayiti yithu. Kakadi aka kali na kachidindo ako para munthu wachita sikani na foni zapachanya kamujulirenge vidiyo yakuti Chifukwa Wuli Mukwenera Kusambira Baibolo? na kusangaso apo pali pempho lakuti ŵamanye vinandi panji ŵapemphe sambiro la Baibolo. Ŵanthu ŵanyake ŵakukhumba yayi kupoka mabuku ghithu kweni ŵakukhumba kuwona ivyo vili pa webusayiti yithu. Ntheura, tiyeni tiŵape kakadi aka mwaluŵiro. Kweni mungapelekanga yayi tumakadi utu ku awo ŵalije navyo ntchito.

Apo mukuchita milimo yinu ya zuŵa na zuŵa, mungachitiska munthu kuti wanweke, pakuyowoya kuti: “Nakhumba kumupani aka. Kakadi aka kamovwiraninge kuti musange fundo na mavidiyo pa nkhani zakupambanapambana.” (Yoh 4:7) Tumakadi utu nthukuru yayi, ntheura mungayegha tunandiko kuti mupengeko ŵanthu apo mwaŵi wasangikira.