Gwiliskirani Ntchito Peji Lakwamba la pa JW.ORG mu Uteŵeti

Peji lakwamba pa webusayiti yithu pali nkhani kweniso mavidiyo ivyo vili kunozgeka kuti vikope ŵanthu ŵamitima yiwemi. (Mil 13:48) Kanandi pakuŵa nkhani izo zili mu manyuzi, ivyo ŵanthu ŵanandi ŵakughanaghana kweniso kuyowoya.

Kasi mungagwiliskira wuli ntchito peji lakwamba la webusayiti yithu ya jw.org mu uteŵeti?

• Nyengo zose muwonengepo pa webusayiti yithu. Wonani nkhani iyo yili pa peji lakwamba na kuwona umo mungawovwilira nayo munthu wakunweka. (Kuti musange nkhani zinyake izo zikaŵa pa peji lakwamba, dofyani pa “Wonani Vinyake.”) Usange nyengo zose muwonenge ivyo vikuŵa pa webusayiti yithu vimovwiraninge kuti mumanye umo mungambiskira chidumbirano na ŵanthu mu uteŵeti.

• Gwiliskirani ntchito nkhani kweniso mavidiyo ayo yali pa peji lakwamba kuti mwambiske chidumbirano. Vinthu ivi vingamovwirani kuti mumanye ivyo ŵanthu mu chigaŵa chinu ŵakughanaghana.

• Longorani ŵanthu peji lakwamba pa webusayiti yithu. Longosorani nkhani zinyake izo zili pa peji lakwamba na kulongora ŵanthu umo ŵangasangira nkhani zinyake pa webusayiti yithu.

• Tumizgani linki. Ŵanthu ŵanyake ŵakukhumba yayi kuyowoyeskana nase maso na maso kweni ŵangatemwa kuwona ivyo vili pa webusayiti yithu. Ntheura mungaziulikanga yayi kuŵatumizgira linki ya peji lakwamba la webusayiti yithu panji mungaŵatumizgira nkhani panji vidiyo iyo yili pa peji lakwamba.