MAZGU GHA CHIUTA MBUSAMBAZI | ŴAKOLOSE 1-4
Vulani Wunthu Wakale, Ndipo Vwarani Wunthu Uphya
Kasi mukasintha vinthu vikuru apo mukasambiranga unenesko? Para ni nthena manyani kuti Yehova wakakondwa chomene na ivyo mukachita. (Eze 33:11) Kweni mukwenera kuŵikapo mtima kuti mulutilire kuŵa na nkharo yiwemi na kuleka kuweleraso ku wunthu wakale. Zgorani mafumbo ghakulondezgapo agha na kuwona apo mukwenera kusintha:
Kasi nkhumusungira chakusingo munthu uyo wanibudira?
Kasi nkhuzikira nanga ni para nkhuchimbilira panji para navuka?
Kasi para namba kughanaghanira vinthu viheni, nkhuvichimbizga mwaluŵiro?
Kasi nkhuŵawona mwambura kwenelera ŵanthu ŵamitundu yinyake?
Kasi mwasonosono nkhakwiyapo panji kumuyowoyera uheni munthu munyake?