UMOYO WACHIKHRISTU

Charu Chapasi “Chikamira Mlonga”

Kanandi waka kwambira kale, maboma ghawovwira chomene ŵanthu Yehova. (Ezr 6:1-12; Es 8:10-13) Nanga ni mazuŵa ghano tikuwona kuti “charu chapasi” panji kuti ŵanthu ŵanyake ŵakupulikiska mu charu ichi, ‘ŵakumira mlonga’ panji kuti nthambuzgo izo “chinjoka,” Satana Dyabulosi wakupangiska. (Chiv 12:16) Yehova, “Chiuta uyo wakuponoska,” nyengo zinyake wakupangiska ŵanthu ŵamazaza kuti waponoske ŵanthu ŵake.—Sa 68:20; Zi 21:1.

Kweni wuli usange ŵamujalirani mu jele chifukwa cha chipulikano chinu? Manyani kuti Yehova wali namwe. (Ge 39:21-23; Sa 105:17-20) Manyani kuti Yehova wazamumutumbikani chifukwa cha chipulikano chinu, kweniso ŵabali na ŵadumbu pa charu chose ŵakukhozgeka chifukwa cha kugomezgeka kwinu.—Fil 1:12-14; Chiv 2:10.

WONESKANI VIDIYO YA MUTU WAKUTI ŴABALI KU KOREA ŴAFUMA MU JELE, NDIPO PAMANYUMA ZGORANI MAFUMBO AGHA:

Chifukwa wuli ŵabali ŵithu ku South Korea kwa vyaka vinandi ŵakajalirikanga mu jele?
Chifukwa wuli khoti likadumura kuti ŵabali ŵanyake ŵaŵafumiske luŵiro mu jele?
Kasi tingaŵawovwira wuli ŵabali withu pa charu chose awo ŵali mu jele chifukwa cha chipulikano chawo?
Kasi wanangwa uwo tili nawo pakusopa, tingawugwiliskira wuli ntchito mwamahara?
Kasi ni njani uyo wakutovwira kuti milandu yitendelenge makora ku khoti?

Jele la ku Korea ilo kukaŵa Ŵakaboni ŵa Yehova; Makalata agho ŵabali na ŵadumbu ŵakatumizga ku ofesi ya munthavi ya ku korea ndipo ofesi yikatumizga kwa ŵabali awo ŵakaŵa mu jele; dada na mwana ŵakuvumbatirana pamanyuma pakuti mwana wafuma mu jele — Kasi ine wanangwa uwo nili nawo pakusopa, nkhuchita nawo wuli?