Ivyo Vingatovwira Kuti Tiŵe Ŵaluso Mu Uteŵeti—Kupharazgira Ŵanthu Ŵambura Kuwona

CHIFUKWA WULI NTCHAKUZIRWA: Kanandi ŵanthu ŵambura kuwona ŵakufwatuka yayi kuyowoya na ŵanthu ŵachilendo. Ntheura pakukhumbikwira luso kuti ŵanthu aŵa tiŵapharazgire. Yehova wakuŵalengera lusungu ŵanthu ŵambura kuwona. (Le 19:14) Tingamuyezga Yehova para tikuchitapo kanthu kuti tiŵawovwire kuŵa paubwezi na Yehova.

UMO TINGACHITIRA:

• ‘Penjani’ ŵanthu ŵambura kuwona. (Mt 10:11) Kasi mukumanyapo waliyose uyo wali na mubali wake wambura kuwona? Kasi mu chigaŵa chinu muli sukulu panji malo ghanyake uko kukusangika ŵanthu ŵambura kuwona awo ŵangatemwa mabuku ghithu agho ghali kunozgekera ŵanthu aŵa? Kasi namwe mungachitako ntchito yakupharazgira ŵanthu ŵambura kuwona mu chigaŵa chinu?

• Longorani kuti mukuŵaghanaghanira. Munthu wambura kuwona wangafwatuka namwe para wawona kuti ndimwe ŵaubwezi kweniso mukumughanaghanira. Yezgani kudumbiskana nawo nkhani izo mukuwona kuti ŵangatemwa

• Ŵawovwirani kuti ŵasange mabuku. Gulu lafumiska mabuku yakupambanapambana kuti liwovwire ŵanthu ŵambura kuwona. Mufumbani munthu wambura kuwona umo mungasambilira. Mulaŵiliri wa uteŵeti wakwenera kuwoneseska kuti muteŵeti wa mabuku wachemeska mabuku ghakwenelera kuyana na umo munthu waliri.