Kasi Ntchivichi Icho Ntchakuzirwa Chomene kwa Ine?

Yakhobe wakalimbana na mungelo kuti Yehova wamutumbike. (Ge 32:24-31; Ho 12:3, 4) Ise ke? Kasi nase tikuŵikapo mtima kuti tipulikirenge Yehova kweniso kuti watitumbike? Mwachiyelezgero, kasi tingasankha wuli usange panyengo yakulutira ku maungano, ndiyoso nyengo iyo tikukhumbikwira kugwira ntchito maora ghakusazgikira? Usange tikumupa Yehova nyengo yithu, nkhongono zithu, kweniso ivyo tili navyo, watipungulirenge ‘vitumbiko m’paka tisoŵe pakusunga.’ (Mal 3:10) Yehova watilongozgenge, kutivikilira kweniso kutipa ivyo tikukhumbikwira.—Mt 6:33; Heb 13:5.

WONELERANI VIDIYO YA MUTU WAKUTI, ŴIKANIPO MTIMA KUTI MUFISKE VILATO VINU VYAUZIMU, NA KUZGORA MAFUMBO GHAKULONDEZGAPO AGHA:

• 

  Kasi mudumbu wakayezgeka wuli na ntchito iyo wakayitemwanga chomene?

• 

  Kasi ntchito yakulembeka yingaŵa wuli chiyezgo kwa ise?

• 

  Kasi chifukwa wuli Timote wakeneranga kulutilira kuŵa na vilato vyauzimu nangauli wakakura kale mwauzimu?—1Ti 4:16

• 

  Kasi ivyo tikuchita vingalongora wuli ntchito iyo njakuzirwa chomene kwa ise?