Themba Lakujikuzga Farawo Likamanyanga Yayi Kuti Likufiska Khumbo la Chiuta

8:15, 18, 19; 9:15-17

Mathemba gha Eguputo ghakajiwonanga nga mbachiuta. Fundo iyi yikutovwira kupulikiska chifukwa icho Farawo wakaŵira wakujikuzga na kutondeka kupulikira Mozesi na Aroni, nanga mpha nyengo iyo ŵamasalamusi ŵake ŵatondeka.

Kasi mukutegherezga para ŵanyinu ŵakuyowoya masachizgo ghawo? Kasi mukuwonga usange munthu munyake wakumupani ulongozgi? Panji kasi mukujipulika kuti nyengo zose imwe ndimwe mukuneneska? Baibolo likuti: “Para munthu wakujikuzga ndikuti wali pafupi kuparanyika.” (Zi 16:18) Ipo ntchakuzirwa chomene kuti tileke kuŵa ŵakujikuzga.