UMOYO WACHIKHRISTU
Kasi Mbanjani Awo Mukuchezga Nawo pa Intaneti?
Mubwezi ni “munthu uyo wakudemelera kwa munyake chifukwa chakuti wakumutemwa na kumuwona kuti ngwakukhumbikwa.” Mwachiyelezgero, Yonatani na Davide ŵakaŵa paubwezi wakukhora pamanyuma pakuti Davide wakoma Goliyati. (1Sa 18:1) Waliyose wakaŵa na mikhaliro iyo yikapangiskanga kuti ŵaŵe paubwezi. Ntheura ubwezi wakukhora ukuthemba pakumanyana makora. Kweni kuti munthu umumanye makora pakwenera kujumpha nyengo kweniso kuŵikapo mtima. Kweni pa Intaneti ŵanthu ŵangaŵa “paubwezi” mwakuchita kudofya waka batani. Pakuti ŵanthu ŵakunozgerathu ivyo ŵamuyowoya, kweniso ivyo ŵanyawo ŵangawona vyakukhwaskana na iwo, ntchipusu munthu kujibisa umo waliri nadi. Ipo ntchakukhumbikwa kuti ‘tijiŵikirenge mphaka’ na ŵanthu awo tingachezga nawo. Ntheura para mwapempheka kuti muŵe paubwezi na ŵanthu awo mukuŵamanya makora yayi, mungawopanga yayi kukana chifukwa cha kopa kuŵakhuŵazga. Ŵanthu ŵanyake ŵasankha kuleka kugwiliskira ntchito malo ghakuchezgerapo gha pa Intaneti chifukwa ŵakumanya kofya kwake. Kweni kasi mukwenera kukumbuka vichi para mwasankha kuchezga na ŵanyinu pa Intaneti?
WONELERANI VIDIYO YAKUTI, UŴENGE MASO PA INTANETI, NDIPO PAMANYUMA ZGORANI MAFUMBO GHAKULONDEZGAPO AGHA:
Kasi mukwenera kughanaghanira vichi pambere mundayowoye panji kuŵikapo vithuzi pa Intaneti?
Chifukwa wuli mukwenera kuŵa maso para mukusankha ŵanthu ŵakuchezga nawo pa Intaneti?
Chifukwa wuli mukwenera kujiŵikira nyengo yakuchezgera pa Intaneti?—Efe 5:15, 16