Zizipizgani Masuzgo gha Vyachuma

Mu mazuŵa ghaumaliro ghano, tikukumana na masuzgo ghanandi chomene. Apo tili kuumaliro wa charu chiheni ichi, masuzgo ghasazgikirenge. Ndipo nyengo zinyake tingasoŵerwa vinthu vinyake vyakuthupi. (Hab 3:16-18) Kasi ntchivichi chingatovwira kuti tizizipizge masuzgo gha vyachuma agha? Tikwenera kulutilira kugomezga Chiuta withu, Yehova. Wali kulayizga kuti wapwelelerenge ŵateŵeti ŵake, ndipo watipenge ivyo tikukhumbikwira nyengo zose.—Sa 37:18, 19; Heb 13:5, 6.

Ivyo mungachita:

• Lombani Yehova kuti wamulongozgani, kumupani vinjeru kweniso wovwiri wake.—Sa 62:8

• Zomerani kugwira ntchito iyo mundagwirepo.—g-CN 1/10 8-9, mabokosi

• Muchitenge vinthu vyauzimu nga nkhuŵazga Mazgu gha Chiuta zuŵa lililose, kuwungana kweniso kupharazga

WONELERANI VIDIYO YA MUTU WAKUTI, ZENGANI NYUMBA IYO YINGAZIZIPIZGA—‘MUKHORWENGE NA VINTHU IVYO VILIPO,’ NDIPO PAMANYUMA ZGORANI MAFUMBO AGHA:

• Kasi mabanja ghanyake ghakumanapo na masuzgo wuli?

• Kasi chinthu chakuzirwa chomene pa umoyo ntchivichi?

• Kasi tingaŵawovwira wuli ŵanthu awo ŵakukumana na masuzgo gha vyachuma?