UMOYO WACHIKHRISTU
Yehova Wakuponoska Awo Mzimu Wawo Wateketeka
Waliyose wakuŵa na chitima nyengo zinyake. Kweni para munthu wali na chitima vikung’anamura kuti ngwakulopwa yayi mwauzimu. Nakuti Yehova nayo nyengo zinyake wakuŵanga na chitima. (Ge 6:5, 6) Kweni wuli usange kanandi, panji nyengo zose tikukhalira waka kuŵa na chitima?
Lombani Yehova kuti wamovwirani. Yehova wakuŵikako mahara chomene umo tikujipulikira. Wakumanya para tili ŵakukondwa kweniso para tili na chitima. Iyo wakumanya maghanoghano ghithu na umo tikujipulikira. (Sa 7:9b) Chakuzirwa chomene ntchakuti Yehova wakutipwelelera ndipo wangatovwira kuti tizizipizge para tili na chitima kweniso para tikusuzgika maghanoghano.—Sa 34:18.
Vikilirani maghanoghano ghinu. Para tagongowa tingaleka kukondwa ndipo tinganangaso ubwezi withu na Yehova. Ntheura tikwenera kuvikilira mtima withu, uwo ni wunthu withu wamukati.—Zi 4:23.
WONELERANI VIDIYO YA MUTU WAKUTI, UMO ŴABALI ŴITHU ŴAKUKONDWERA NA MTENDE NANGAULI ŴAKUSUZGIKA MAGHANOGHANO, NDIPO PAMANYUMA ZGORANI MAFUMBO GHAKULONDEZGAPO AGHA:
Kasi ni vichi vikawovwira Nikki kuti wazizipizge apo wakasuzgikanga maghanoghano?
Chifukwa wuli Nikki wakaghanaghana kuti wakapokere wovwiri ku chipatala?—Mt 9:12
Kasi Nikki wakalongora wuli kuti wakugomezga kuti Yehova wamovwirenge?