UMOYO WACHIKHRISTU

Wovwirani Ŵanthu Ŵambura Kusopa Kuti Ŵamumanye Mlengi Wawo

Kasi nyengo zinyake mukugongowa kupharazgira ŵanthu ŵambura kusopa chifukwa cha kughanaghana kuti ŵangategherezga yayi? Usange ndimo viliri, kumbukani kuti ŵanthu ŵanandi ŵambura kusopa kusazgapo na awo ŵakagomezganga yayi kuti kuli Chiuta, pasono Mbakaboni ŵa Yehova. Nakuti ŵanthu ŵanthena ŵakakhumbikwiranga waka kuŵawovwira, kuti ŵasange ukaboni wakuti Chiuta waliko.—Ro 1:20; 10:14.

WONELERANI VIDIYO YA MUTU WAKUTI, MANYANI KUTI ŴANTHU ŴAMBURA CHIPULIKANO ŴANGAŴA NA CHIPULIKANO!—ŴANTHU ŴAMBURA KUSOPA, NDIPO PAMANYUMA ZGORANI FUMBO LAKULONDEZGAPO ILI:

Kasi ivyo vikachitikira Tommaso vyamovwirani wuli kuti muŵawonenge mwakwenelera ŵanthu ŵambura kusopa?

Lembani zgoro linu

Umo mungachitira

Para munthu wayowoya kuti wakugomezga yayi kuti kuli Chiuta, chitani nayo vinthu mwalusungu, mwaluso, ndipo longorani kuti mukuchindika maghanoghano ghake kweniso umo wakujipulikira pa nkhani iyo. (2Ti 2:24) Dumbiskanani nayo nkhani izo wangatemwa kutegherezga. Kasi ngwakunweka kuti mudumbiskane nayo maukaboni agho ghawovwira ŵanthu ŵanandi kugomezga kuti kuli Mlengi? Usange ngwakunweka, gwiliskirani ntchito mabuku na mavidiyo agho ghali kupangikira ŵanthu awo ŵakugomezga yayi kuti kuli Mlengi. Burosha lakuti Kasi Vyamoyo Vikachita kulengeka? na lakuti Umoyo Ukaŵako Wuli?—Mafumbo 5 Agho Tikwenera Kujifumba, ghali kusazgika pa chigaŵa cha Ivyo Tikusambizgira Ŵanthu Baibolo kuti ŵaghasangenge mwambura kusuzga.

Pakwamba panji mungaziwulika kuti mupharazgire munthu uyo wakugomezga yayi kuti kuli Chiuta. Pemphani mupharazgi uyo wapharazga kwanyengo yitali kuti wamovwirani. Mukwenera kukumbuka kuti Yehova wangamovwirani kuti muŵafike pamtima ŵanthu ŵa mitima yiwemi nanga pakwamba ŵangaŵa kuti ŵakugomezga yayi kuti kuli Mlengi.—Mil 13:48.

Burosha la mutu wakuti “Kasi Vyamoyo Vikachita kulengeka?”

Burosha la mutu wakuti “Umoyo Ukaŵako Wuli?—Mafumbo 5 Agho Tikwenera Kujifumba.”