Kutinkhana Kuli Palipose

Nkhani zinandi mazuŵa ghano zikulongora kuti ŵanthu ŵakutinkhana, kwali mpha wayilesi, TV, nyuzipepara panji pa Intaneti. Mwachiyelezgero, pa Intaneti ŵanji ŵakutumizga ma imelu gha uthenga wakutinkha ŵanji, panji kuyowoya viheni vya gulu linyake la ŵanthu. Kweniso ŵanthu ŵanandi ŵakuŵachitira nkhaza chifukwa cha sankho, ndipo ŵakuŵanena, kuŵawofya, kweniso kuŵanangira vinthu. Nadi, thinkho lili palipose pa charu chapasi.

Magazini iyi yikulongosora umo thinkho lingamalira. Agha ni maloto waka yayi. Vikuchitika nadi pa charu chose nanga ni sono nthena, ndipo munthazi suzgo ili limalirengethu.