Vyakovwira Pakupenja Nkhani

Vyakusambizgira Ŵana

Ŵapapi ŵali na udindo ukuru wakusambizga ŵana ŵawo vya Yehova. (Efe. 6:4) Kuti gulu la Yehova lovwire ŵapapi, lafumiska vinthu vinandi vyakusambizgira ŵana. Kasi mungavigwiliskira wuli ntchito kuti musambizgire ŵana ŵinu?

• Lutani pa jw.org. Apa musangenge vinthu vyose ivyo vili kufumiskika vyakusambizgira ŵana, kusazgapo mavidiyo na vinthu vinyake ivyo ŵangalemba panji kujambura.a Kuti musange vinthu ivi, lembani mazgu ghakuti “Ŵana” panji “Ŵachinyamata” pa malo ghakupenjera nkhani.

• Sankhani icho mukuwona kuti chikukolerana chomene na mwana winu. Pa chigaŵa chakuti “Ŵana” mungasanga mavidiyo, sumu, kweniso nkhani zinyake izo mukuwona kuti zingawovwira mwana winu. Kuti musange vinthu ivi, penjani mazgu ghakuti “Vinthu vya Kusambira pa Kusopa kwa Mbumba.”

• Paturani nyengo yakukwana yakudumbiskirana na ŵana ŵinu. Gegani kugwiliskira ntchito mavidiyo ghithu panji vinthu vinyake vyakuti mwana wachite na chilato chakuti waka mwana winu waŵe wakutangwanika na vinthu ivi. M’malo mwake, dumbiskanani nayo mwana winu na kumovwira kukhozga ubwezi wake na Yehova.