IVYO VINGAMOVWIRANI PAKUSAMBIRA

Umo Tingachitira Kuti Tenderenge Lumoza na Gulu pa Fundo Izo Zasintha

Tili na mwaŵi wapadera pakuti tikukhala mu nyengo iyo Yehova wakulutilira kutivumbulira vinandi vyakukhwaskana na Mazgu ghake kuluska kumasinda kose. (Dan. 12:⁠4) Nangauli vili nthena, nyengo zinyake chingaŵa chakusuzga kwendera lumoza na gulu pa umo tikupulikiskira makora sono fundo zinyake za mu Baibolo. Kasi tingazisanga nkhu fundo izo gulu lazilongosoraso makora?

• Mu Watch Tower Publications Index pa kamutu kakuti “Beliefs Clarified” pali fundo izo gulu lalongosoraso makora ndipo zili kulembeka kuyana na chaka chake. Kuti musange nkhani izi lembani mazgu ghakuti “understanding clarified” (ghaŵe mu makoteshoni maki) mu kabosi kakupenjera mu Watchtower Library.

• Buku Lakupenjera Nkhani la Ŵakaboni ŵa Yehova lili na nkhani zakupambanapambana izo zikuŵikika kuyana na mitu yake. Lutani pa “Ŵakaboni ŵa Yehova,” kufuma apo lutani pa “Ivyo Ŵanthu Ŵakuyowoya na Ivyo Tikugomezga.”

Pa sambiro lamwaŵene, mwalekerachi kusambira nkhani iyo yalongosorekaso makora mwasonosono na kupenjerezga vifukwa vya mu Malemba ivyo ŵasinthira?