Lemba la Chaka cha 2016

‘Ŵanandi . . . ŵazamutinkhana. . . . Chitemwa cha ŵanandi chizamuzizima.’ (Mat. 24:10, 12) Mazgu agho Yesu wakayowoya, ghakalongora kuti ŵanthu ŵanandi ŵazamuleka kutemwana para vyaka vikusendelera kuti Yerusalemu wabwanganduke mu 70 C.E. Kweni ŵalondezgi ŵa Khristu ŵazamumanyikwa chifukwa cha kutemwana. (Yoh. 13:35) Ŵakhristu ŵa mu Yerusalemu ŵakwenera kuti ŵakakondwa chomene ŵati ŵaŵerenga mazgu ghakukhozga agho Paulosi wakayowoya kwa iwo chifukwa cha chitemwa icho ŵakalongorananga. Kweniso wakaŵachiska kuti ŵalutilire kutemwana.

Mazuŵa ghano, umaliro wa charu cha Satana ichi uli pafupi chomene. Nga umo vikaŵira ku Ŵakhristu ŵakwambilira, nase tikukhala na ŵanthu awo ŵakujitemwa, ŵakutemwa ndalama, na vyakusanguluska. Kweni ŵakutemwa yayi Chiuta panji ŵanyawo. (2 Tim. 3:1-4) Ndipouli, Ŵakaboni ŵa Yehova ŵakutemwana chomene pa charu chose chapasi. Tiyeni tilutilire kutemwa ŵabali ŵithu mwakuti tilumbe Yehova, uyo ntchitemwa.