Ungweru Ukuŵaliraŵalira

PAKUTI Ŵakhristu ŵaunenesko ŵakumanya kuti Yehova ni Mweneko wa ungweru wauzimu, ŵakupempha kwa Chiuta na mtima wose kuti ‘ungweru na unenesko’ wake uŵalongozgenge na kuŵadangilira. (Sal. 43:3) Apo charu chili mu mdima ukuru wauzimu, Chiuta waunenesko wakulutilira kuŵaliska ungweru pa ŵanthu ŵake. Lekani nthowa ya ŵanthu ŵake, “yili nga mbungweru wa matandakucha uwo ukuŵaliraŵalira.” (Zinth. 4:18) Ungweru wakufuma kwa Yehova, ukulutilira kuŵaliska nthowa yawo ndipo ukuŵawovwira kuti ŵendeske makora gulu, ŵapulikiske makora visambizgo vinyake, na kuŵa na mikhaliro yiwemi. Kasi ni visambizgo wuli vinyake ivyo vyalongosoreka makora mu vyaka vya sonosono?