Chindindindi Chakofya Chachitika ku Turkey na Syria—Kasi Baibolo Likuti Wuli?

YASONO: February 10, 2023

Kufika pa Chinayi, February 9, 2023, chiŵelengero cha ŵanthu awo ŵali kufwa chifukwa cha chindindindi icho chikachitika pa Monday ku Turkey na Syria chajumpha pa 20,000. Ndipo ŵanthu masauzandi ghanandi ŵali kupwetekeka ndiposo ŵanyake masauzandi ghanandi ŵalije pakukhala.

Makomiti ghaŵiri Ghakovwira Para Kwachitika Soka agho ghali kupangika na Ŵakaboni ŵa Yehova, ghakulutilira kupeleka wovwiri na kovwirapo pa mulimo wakuponoska ŵanthu. (Ŵagalatiya 6:10) Ŵabali ŵakufuma ku ofesi ya munthavi ŵakafikako mwaluŵiro ku malo agha, chindindindi chati chachitika waka nangauli kukuzizima chomene kweniso mendero ngakusuzga. Ŵakaluta kuti ŵakapembuzge na kukhozga ŵanthu mwauzimu awo ŵali kukhwaskika na soka ili. (1 Petrosi 5:2) Nkhani yakulongosora umo mulimo uwu ukwendera yaŵikika pa Nkhani za pa JW.

Malemba ghakutisimikizgira kuti “Yehova wali pafupi na ŵakusweka mu mtima.Wakuponoska awo mzimu wawo wateketeka.” (Salimo 34:18) Wonani vidiyo na nkhani yakulondezgapo iyi, ivyo vili na ulongozgi wakovwira wakufuma mu Baibolo pa nyengo zakusuzga izi.

Vidiyo ya mutu wakuti, Kupembuzga Awo Ŵakulira yili na ulongozgi wakovwira ku ŵanthu awo ŵakutemweka ŵawo ŵafwa.
Nkhani ya mutu wakuti, “Wovwirani Ŵana Ŵinu Kuti Ŵaleke Kutimbanizgika na Malipoti gha Nkhani Zakofya” yili na ulongozgi wa mu Baibolo uwo ungawovwira ŵana ŵinu kuti ŵaleke kutimbanizgika chomene na nkhani zakofya.

Pa Monday, February 6, 2023, chindindindi chakofya chachitika ku Turkey na Syria.

“Chindindindi chikuru chakoma ŵanthu ŵakujumpha 3,700 ku Turkey na kumpoto kumanjiliro gha dazi kwa charu cha Syria. Ndipo ŵanthu masauzandi ghanandi ŵapwetekeka kweniso ŵalije pakukhala. Pasono ku malo agha kukuzizima chomene chifukwa cha chiwuvi chakukhoma ndipo ichi chapangiskaso kuti mulimo wakupenja ŵanthu awo nyumba zaŵawira uŵe wakusuzga.”—Reuters, February 6, 2023.

Tikuŵa na chitima chomene para tikuŵazga nkhani za nthena izi. Pa nyengo zakusuzga nga izi, tikulaŵiska kwa Yehovaa uyo ni “Chiuta wa chisangulusko chose.” (2 Ŵakorinte 1:3) Iyo ‘wakutisanguluska na Malemba, kuti tiŵe na chigomezgo.’—Ŵaroma 15:4.

Mu Baibolo tikusambira:

Ivyo vikayowoyekerathu vyakukhwaskana na vindindindi.
Uko tingasanga chipembuzgo na chigomezgo.
Umo Chiuta wazamumazgira masuzgo ghose.

Kuti mumanye ivyo Baibolo likuyowoya pa nkhani izi, ŵazgani nkhani za mutu wakuti:

a Yehova ni zina lenecho la Chiuta.—Salimo 83:18.