Ivyo Ufumu wa Chiuta Uzamuchita Kuti Ŵanthu Ŵaŵe na Umoyo Uwemi

“Nangauli pasono muliri wa COVID-19 uchaliso wakofya chomene yayi pa charu chose, kweni chikung’anamura kuti muliri uwu waleka kuŵa wakofya yayi. . . . Tikukayika yayi kuti kunthazi uku kubukengeso muliri unyake, ntheura tikwenera kuŵa ŵakunozgeka.”—Dr. Tedros Adhanom Ghebreyesus, director-general of the World Health Organization, May 22, 2023.

Ŵanthu ŵanandi ŵachali kusuzgika chifukwa cha muliri wa COVID-19 uwo ukachitika. Kasi maboma na mawupu ghangawovwira usange pangabukaso muliri unyake?

Baibolo likutiphalira za boma ilo lizamovwira ŵanthu kuŵa na umoyo uwemi. Likuti “Chiuta wakuchanya wazamwimika ufumu,” panji kuti boma. (Daniyeli 2:44) Para boma ili lazakamba kulamulira “Pazamuŵavya munthu wakukhala mu charu uyo wazamuti: ‘Nalwara.’” (Yesaya 33:24) Waliyose wazamuŵa na nkhongono kweniso umoyo uwemi.—Yobu 33:25.