Ivyo Mungachita Kuti Muwonenge Vinthu Mwakwenelera Para Mwasangana na Masuzgo—Kasi Baibolo Likuti Wuli?

Munyengo zakasuzga izi, ntchakusuzga kuti tigegerethu masuzgo ghose. Ndipouli, kanandi kuti munthu waŵe wakukondwa vikuthemba pa umo vinthu viliri yayi, kweni umo wakuwonera vinthu. Baibolo likuyowoya kuti nanga wangakumana na masuzgo wuli “kweni munthu wa mtima wakusangwa wakuŵa na chiphikiro nyengo zose.” (Zintharika 15:15) Kasi tingachita wuli kuti tiŵenge ŵakukondwa? Tiyeni tiwone umo ulongozgi wa mu Baibolo ungatovwilira.

Umo tingachitira para tikwenjerwa

Baibolo likuti: “Mtima wa munthu ukulopwa chifukwa cha kwenjerwa, kweni mazgu ghawemi ghakuwukondweska.”—Zintharika 12:25.

• Baibolo lingamovwirani kuti muleke kwenjerwa chomene. Kuti mumanye umo mungachitira, ŵazgani nkhani ya mutu wakuti “Ivyo Baibolo Likuyowoya pa Nkhani ya Kwenjerwa.”

Tondani phukwa

Baibolo likuti: “Mubwezi wanadi wakutemwa nyengo zose ndipo ni mubali uyo wali kubabikira kovwira mu suzgo.”—Zintharika 17:17.

• Baibolo lili na ulongozgi uwo ungamovwirani kuti mutonde kwenjerwa mwakuŵa paubwezi wakukhora na ŵanji. Ndipo ivi vingamovwirani kuti muleke kuŵa na phukwa. Ŵazgani nkhani yakuti “Ŵani Paubwezi na Ŵanji Kuti Mutonde Phukwa—Umo Baibolo Lingamovwilirani.”

Mutemwenge Chiuta na ŵazengezgani ŵinu

Baibolo likuti: “Utemwenge Yehovaa Chiuta wako na mtima wako wose na umoyo wako wose na maghanoghano ghako ghose. . . . Utemwenge mzengezgani wako nga umo ukujitemwera wamwene.”—Mateyu 22:37-39.

• Lurombo lungatovwira kuti tikhozge ubwezi withu na Yehova. Kuti mumanye vinandi, ŵazgani nkhani yakuti “Kasi Chiuta Wakupulika Malurombo Ghithu?”

• Tikulongora kuti tikutemwa ŵanji para tikulondezga dango la Yesu lakuti muchitenge ivyo mukukhumba kuti wanyinu ŵamuchitiraninge. Kuti mumanye vinandi wonani nkhani ya mutu wakuti “Kasi Dango Lakuti Muchitenge Ivyo Mukukhumba Kuti Ŵanyinu Ŵamuchitiraninge Likung’anamurachi?”

Sambirani kuti mumanye umo Baibolo lingamovwilirani kuti muwonenge vinthu mwakwenelera munyengo zakusuzga izi. Kuti muchite nthena, tikumupemphani kuti musambirenge Baibolo kwaulere.