Ŵani Paubwezi na Ŵanji Kuti Mutonde Phukwa—Umo Baibolo Lingamovwilirani

Mu chaka cha 2023, ŵa vyaumoyo ŵakawona kuti suzgo la phukwa pa charu chose ndikuru chomene mwakuti ŵakwenera kuchitapo kanthu mwaluŵiro. Kasi chilipo icho munthu wangachita kuti watonde suzgo la phukwa?

• Dr. Vivek Murthy, uyo wakuchita vya maopareshoni ku U.S. wakayowoya kuti: “Kujipatura kweniso phukwa vikupangiska munthu kuti waleke kuŵa na umoyo uwemi.” Ndipo wakayowoyaso kuti: “Kweni chilipo icho tingachita kuti timarane na suzgo ili.” Kasi tingachita wuli? Iyo wakati: “Para zuŵa lililose tikuŵikapo mtima kuchita tunthu tuchokotuchoko uto tungawovwira kuti tikhozge ubwezi withu na ŵanyithu.”a

Padera pa kujipatura, pali vinandi ivyo vingapangiska phukwa. Ŵanji ŵakuŵa na phukwa nanga ŵangaŵa pa gulu. Mwambura kupwelerako za icho chikutipangiska kuŵa na phukwa, kweni Baibolo lingatovwira. Lili na ulongozgi uwemi chomene uwo ungatovwira kulimbana na suzgo la phukwa mwakukhozga ubwezi withu na ŵanji.

Fundo za mu Baibolo izo zingawovwira

Yowoyeskanani makora na ŵanji. Ivi vikusazgapo kuyowoya makora umo mukujipulikira kweniso kutegherezga mwakupwelelera para ŵanyinu ŵakuyowoya. Para mukuŵikako mahara ku ivyo ŵanyinu ŵakuyowoya, vimovwiraninge kuti muŵe nawo paubwezi wakukhora.

• Fundo ya mu Baibolo: “Kulaŵiska pa ivyo imwe mukukhumba pera yayi, kweniso ivyo ŵanyinu ŵakukhumba.”—Ŵafilipi 2:4.

Sazgiraniko ŵabwezi. Ŵikanipo mtima kuŵaso na ŵabwezi awo mbalara panji ŵana kuluska imwe panji ŵanthu awo mba mitheto yakupambana na imwe panji mtundu.

• Fundo ya mu Baibolo: “Julani mitima yinu.”—2 Ŵakorinte 6:13.

Kuti mumanye vinandi pa umo mungachitira kuti mukhozge ubwezi winu na ŵanji, ŵazgani nkhani ya mutu wakuti “Kupeza Anzathu Omwe Timalakalaka.”