Wovwirani Ŵanthu Kuti Muchepeske Phukwa—Kasi Baibolo Likuti Wuli?

Ŵanthu ŵanandi pa charu chose ŵali na phukwa ndipo ŵakusoŵa ŵanthu ŵakuti ŵangachezga nawo. Ŵakaswiri ŵanyake ŵa vyachipatala ŵakuyowoya kuti kovwira ŵanji ndiyo ni nthowa yiwemi chomene yakuchepeskerako phukwa.

• “Kovwira ŵanthu awo ŵakukhumbikwira wovwiri vikovwira kuti umoyo withu uŵe wachandulo kweniso vikovwira kulimbana na suzgo la phukwa.”—U.S. National Institutes of Health.

Baibolo likutipa ulongozgi uwemi pa ivyo tingachita pakovwira ŵanji. Para tingalondezga ivyo likuyowoya vingatovwira pakulimbana na suzgo la phukwa.

Ivyo mungachita

Mupengeko ŵanyinu vinthu. Mukwenera kusanga nyengo yakuchezgera ŵanyinu, chomene maso na maso. Mupengeko ŵanyinu vinthu ivyo muli navyo. Usange muchitenge nthena, ŵawongenge chomene ndipo ivi viwovwirenge kuti muŵe nawo paubwezi.

• Fundo ya mu Baibolo: “Mupelekenge, ndipo ŵanthu ŵamupaninge.”—Luka 6:38.

Movwirenge ŵanji. Sangani nthowa zakovwilira ŵanji awo ŵakusangana na masuzgo. Ivi vikusazgapo kuŵategherezga mwakupwelelera panji kuŵawovwira milimo yinyake kuti vinthu viŵaŵireko makora.

• Fundo ya mu Baibolo: “Mubwezi wanadi wakutemwa nyengo zose.”—Zintharika 17:17.

Kuti mumanye vinandi pa umo mungaŵira paubwezi na ŵanji, ŵazgani nkhani ya mutu wakuti, “Kuŵa na Banja Liwemi na Ŵabwezi.”