Phukwa Latora Malo—Kasi Baibolo Likuti Wuli?

Kuyana na lipoti la pa charu chosea ilo lafuma mwasonosono, munthu yumoza pa ŵanthu 4 wakusuzgika na phukwa.

• “Phukwa lingakora waliyose vilije kanthu kuti wali na vyaka vilinga panji wakukhala kochi.”—Chido Mpemba, Cheyamani wa World Health Organization’s Commission on Social.

Mwakupambanako na ivyo ŵanandi ŵakughanaghana, phukwa likukora ŵanthu ŵalara pera yayi panji ŵakujowoleka pera kweni likukoraso ŵachinyamata, nanga ni awo ŵali na umoyo uwemi, awo vinthu vikuŵayendera makora pa umoyo, kweniso awo ŵali pa nthengwa. Kujipatura kweniso phukwa vingapangiska munthu kuti wambe kulwara.

• Dokotala munyake mulara wakayowoya kuti: “Phukwa likusazgapo vinandi padera pakuleka waka kujipulika makora. Ngozi iyo yingaŵapo chifukwa cha phukwa yingayana waka na iyo yingaŵapo kwa munthu uyo wakukhweŵa hona ndudu 15 pa zuŵa.”—Dr. Vivek Murthy, U.S.

Ivyo Baibolo likuyowoya

Mlengi withu wakukhumba yayi kuti tijipaturenge. Nyengo zose khumbo la Chiuta ndakuti ŵanthu ŵakondwenge na umoyo uwemi na kuŵa na ŵabwezi ŵawemi.

• Fundo ya mu Baibolo: “Chiuta wakati: ‘Ntchiwemi yayi kuti munthu wakhalenge yekha.’”—Genizesi 2:18.

Chiuta wakukhumba kuti tiŵe nayo paubwezi. Iyo wakutilayizga kuti para ise tasendelera kwa iyo mbwe nayo wasendelerenge kwa ise.—Yakobe 4:8.

• Fundo ya mu Baibolo: “Mbakukondwa awo ŵakumanya kuti ŵali na njara yauzimu, pakuti Ufumu wakuchanya ngwawo.”—Mateyu 5:3.

Chiuta wakukhumba kuti timusopenge pamoza na ŵanyithu. Para tikusopa Chiuta pamoza na ŵanyithu vikutovwira kuti tileke kuŵa na phukwa.

• Fundo ya mu Baibolo: “Tiyeni tighanaghaniranenge na kuchiskana kuti titemwanenge na kuchita milimo yiwemi. Tingalekanga yayi kuwungana pamoza . . . kweni tikhwimiskanenge.”—Ŵahebere 10:24, 25.

Kuti mumanye kuzirwa kwa kulimbana na phukwa, ŵazgani nkhani ya mutu wakuti “Anthu Ambiri Amasungulumwa Ngakhale Kuti Pali Njira Zambiri Zolankhulirana.”