Kasi Nkhani ya Yesu Iyo Yili mu Baibolo Njaunenesko?

Ivyo Baibolo likuyowoya

Luka, uyo wakalembako nkhani ya Yesu, wakati: “Nasanda vinthu vyose makoraghene kufuma pakwamba.”—Luka 1:3.

Ŵanthu ŵanyake ŵakuti nkhani ya Yesu iyo yili mu mabuku gha Mateyu, Mariko, Luka na Yohane, ŵali kuyisintha m’ma 300 C.E.

Kweni m’ma 1900 C.E., mpukutu unyake wa buku la Yohane ukasangika ku Egypt. Zina la mpukutu uwu ni Papyrus Rylands 457 (P⁵²). Uli ku layibulare ya John Rylands, ku Manchester, England. Muli mazgu gha pa Yohane 18:31-33, 37, 38.

Mpukutu uwu ngwakale chomene. Ŵanthu ŵanyake ŵakuti ukalembeka m’ma 125 C.E. Pakwenera kuti pakajumpha vyaka 25 kufuma apo buku la Yohane likalembekera. Mazgu agho ghali mu mpukutu uwu, ghakuyana na agho ghali mu mipukutu yinyake ya buku la Yohane iyo yikalembeka pamanyuma pa 125 C.E.