Kasi Chiuta Ndiyo Wakalenga Satana?

Ivyo Baibolo likuyowoya

Baibolo likuti Chiuta wakalenga Satana yayi. Kweni wakalenga mungelo, uyo pamanyuma wakazgoka Satana Dyabulosi. Baibolo likuti: ‘Mulimo wa Chiuta ngwakufikapo; pakuti nthowa zake zose ni urunji. Chiuta waunenesko na wambura kwananga, Iye ni murunji ndipo ngwakunyoloka.’ (Duteronome 32:3-5) Mazgu agha ghakulongora kuti pakwamba Satana Dyabulosi wakaŵa muwemi na murunji. Wakaŵa mwana wa Chiuta, umo ŵaliri ŵangelo wose.

Pa Yohane 8:44, Yesu wakati Dyabulosi ‘wakima mu unenesko chara.’ Mazgu agha ghakulongora kuti pakwamba Satana wakaŵa waunenesko kweniso wambura kwananga.

Yehova wali kupeleka wanangwa wakusankha pakati pa chiwemi na chiheni ku ŵangelo na ŵanthu. Satana nayo wakapika wanangwa uwu. Iyo wakasankha kugalukira Chiuta, ndipo wakapusikaso ŵanthu ŵakwambilira kuti nawo ŵagalukire Chiuta. Apa wakajizgora yekha kuŵa Satana, zina ilo likung’anamura, “Wakususka.”—Genesis 3:1-5; Uvumbuzi 12:9.