Kasi Ŵakaboni ŵa Yehova Ŵakukanizga Mafilimu, Mabuku, na Sumu Zinyake?

Yayi. Palije chifukwa chakuti mpingo wa Ŵakaboni ŵa Yehova usande mafilimu, mabuku, panji sumu, na kukanizgapo vinyake. Wonani fundo zakovwira pasi apa.

Baibolo likuti waliyose ‘wazgoŵezge nkhongono zake zakamanyiro’ kuti wapambaniskenge pakati pa chiwemi na chiheni.—Ŵahebere 5:14.

Mu Baibolo muli fundo izo zingawovwira Mkhristu kusankha makora para wakukhumba kukondwapo.a Chakuzirwa chomene ntchakuti Mkhristu ‘walutilire kusanda icho ntchakuzomerezgeka kwa Fumu.’—Ŵaefeso 5:10.

Baibolo likuti dada, uyo ni mutu wa mbumba, wangakanizga vinthu vinyake mu nyumba. (1 Ŵakorinte 11:3; Ŵaefeso 6:1-4) Kweni mu mpingo palije uyo wangapeleka dango lakukanizga mafilimu, sumu, panji chilichose icho munthu wakhumba.—Ŵagalatiya 6:5.