Kasi Tikutegherezga Wuli kwa Chiuta?

Chiuta wakuyowoya nase kwizira mu Baibolo. 2 Timote 3:16

Chiuta waunenesko wakalongozga ŵanthu kuti ŵalembe maghanoghano ghake mu buku lakupatulika limoza pera. Buku ili ni Baibolo. Mu buku ili muli fundo zakuzirwa chomene izo Chiuta wakukhumba kuti imwe muzimanye.

Chiuta wakumanya icho chingatiŵira chiwemi ndipo ndiyo Mwenecho wa vinjeru vyose. Para mukutegherezga kwa Chiuta, muŵenge na vinjeru vyanadi.—Zintharika 1:5.

Chiuta wakukhumba kuti waliyose pa charu chapasi waliŵazge Baibolo. Mazuŵa ghano Baibolo lilipo mu viyowoyero vinandi.

Usange mukukhumba kutegherezga kwa Chiuta, mukwenera kuŵazga na kulipulikiska Baibolo.

Kulikose ŵanthu ŵakutegherezga. Mateyu 28:19

Ŵakaboni ŵa Yehova ŵangamovwirani kuti mulipulikiske Baibolo.

Pa charu chose chapasi, iwo ŵakusambizga unenesko wakuyowoya za Chiuta.

Mukupeleka kalikose chara kuti musambire vinthu ivi. Kweniso mungasambira za Chiuta ku Nyumba ya Ufumu ya Ŵakaboni ŵa Yehova yakufupi na kukwinu.