Maliferensi gha Uteŵeti na Umoyo Wachikhristu—Kabuku ka Maungano
SEPUTEMBALA 4-10
MAZGU GHA CHIUTA MBUSAMBAZI | EZEKIYELI 42-45
“Ŵakambaso Kusopa Kwaunenesko”
it-2-E 1082 ¶2
Tempile
Mboniwoni ya Ezekiyeli yakuyowoya vya Tempile. Mu 593 B.C.E., pati pajumpha vyaka 14 kufuma apo Yerusalemu na Tempile la Solomoni vikaparanyikira, mu mboniwoni, Ezekiyeli wakatolekera pachanya pa phiri litali, ndipo wakawona tempile likuru la Yehova. (Eze 40:1, 2) Yehova wakaphalira Ezekiyeli kuti wayowoye chilichose icho wakawona mu “nyumba ya Israyeli.” Wakachita nthena kuti soni ziŵakore na kung’anamuka mtima kweniso kuti wakhozge ŵakugomezgeka. (Eze 40:4; 43:10, 11) Chomene mboniwoni iyi yikayowoyanga za kupima vinthu. Wakagwiliskira ntchito “thete” pakupima (thete litali likaŵa mamita 3.11). (Eze 40:5, mazgu ghamusi) Ŵanthu ŵanyake ŵakughanaghana kuti mboniwoni iyi yikimiranga tempile ilo Zerubabeli wakazenga pamasinda pake. Kweni palije ukaboni wa nkhani iyi.
Ivyo Tasambira
it-2-E 467 ¶4
Zina
Zina la Yehova likamba kufipiskika chifukwa Ŵaisrayeli awo ŵakamanyikwanga na zina ili ŵakatondeka kulondezga fundo za Chiuta. (Eze 43:8; Am 2:7) Ntheura Chiuta wakaŵalanga ndipo ivi vikapangiska ŵanthu ŵamitundu yinyake kwamba kuyowoyera viheni zina la Chiuta. (Yaniskani na Sal 74:10, 18; Yes 52:5.) Ŵamitundu aŵa ŵakamanyanga yayi kuti Ŵaisrayeli ŵakalangikanga na Yehova, ntheura iwo ŵakaghanaghananga kuti Yehova watondeka kuthaska ŵanthu ŵake. Kuti watuŵiske zina lake, Yehova wakachitapo kanthu kuwezgera Ŵaisrayeli ku charu chawo.—Eze 36:22-24.
it-2-E 140
Urunji
Kwamba kale, wose awo ŵakukhumba kuŵa paubwezi na Yehova ŵakwenera kulondezga nthowa zake zaurunji. (Yes 1:17, 18; 10:1, 2; Yer 7:5-7; 21:12; 22:3, 4; Eze 45:9, 10; Am 5:15; Mik 3:9-12; 6:8; Zek 7:9-12)
SEPUTEMBALA 11-17
MAZGU GHA CHIUTA MBUSAMBAZI | EZEKIYELI 46-48
it-2-E 1001
Mwana wa Munthu
Mu Malemba Ghachihebere, mazgu ghakuti “mwana wa munthu” ghakusangika chomene mu buku la Ezekiyeli. Mwachiyelezgero, mu buku ili mazgu agha ghakusangika mu malo ghajumpha 90. (Eze 2:1, 3, 6, 8) Mazgu agha ghakalongoranga mphambano pakati pa muyowoyeri wa pa charu cha pasi na Yehova Chiuta uyo ni Mweneko wa uthenga. Pa Daniyeli 8:17, Baibolo likuyowoyaso kuti Daniyeli nayo wakachemekapo kuti “mwana wa munthu.”
SEPUTEMBALA 18-24
Ivyo Tasambira
it-2-E 382
Misheki
Pakaŵa vifukwa vitatu vyakupulikikwa ivyo ŵakawoneranga vyakurya vya themba kuŵa vyakufipirwa: (1) Ŵababuloni ŵakaryanga nyama izo Dango la Mozesi likakanizganga; (2) kanandi ŵakaryanga nyama zambura kuchinja (kucheka) pa singo. Nyengo zinyake ŵakanyongoloranga waka; (3) Ŵababuloni ŵakadankhanga kupeleka nyama izi kwa ŵachiuta ŵawo, ntheura kurya nyama izi vikaŵanga nga kuti nawo ŵakusopako ŵachiuta aŵa.—Da 1:8; yaniskani na 1Ko 10:18-20, 28.